Unha historia de albariño e xente do mar no corazón das Rías Baixas
A nosa historia é una historia de paixóns e fouteza. Paixón polo mar, sustento económico dende finais do século XIX, e por suposto, paixón polo viño. Xentes do mar, armadores do cerco, que combinabamos o noso traballo no mar, co campo e a taberna, onde serviamos o viño que nós mesmos elaborabamos, un albariño auténtico e honrado, con sabor atlántico e cheirume a frescura que facía as delicias dos que o cataban.
A partir de 1970, participamos na Festa do Albariño de Cambados, e tal foi a aceptación que tiña o viño, que non tardamos en achegalo tamén ás feiras e casas de comida de Vigo, Santiago ou a Costa da Morte. Directamente dende o corazón do Salnés, comezou a espallarse polo pais galego.
En 1989, Roque Durán decide dar o impulso definitivo a ese albariño artesanal do seu pai. Licenciado en Xornalismo e Dirección Comercial, Roque proponse converter o albariño nun produto con alma e personalidade propia, cunha identidade e deseño recoñecible que permaneza inalterable no tempo.
Así é como no 1990, nace “Vento Mareiro”, un Albariño con carácter de autor e colleita limitada. O mesmo vento que ouvea no Salnés e que, co seu sabor a salitre, contaxia cada uva do seu talante mariñeiro.
Do pasado, conservamos a nosa esencia, a paixón, o espíritu, a fouteza,.. as raíces. O presente, aporta enerxía, técnica, innovación,.. Por iso, esperamos seguir escribindo o noso futuro.